-من تناحيس نحسك الدهب في ايدك بقى نحاس !
=اه يا حسرتي وسواد قسمتي يانا
-سواد قسمتك انتي ولا سواد بختي انا يا نخرور الفقر يا خميرة الوئوئة .. وديتي الغويشة الدهب فين يا بت ؟؟
=والختمة الشريفة والختمة الشريفة انا طول عمري مخبياها في قعر الشنطة اللي تحت السرير
-حد من جيرانك الغجـ. ـر يعرف مكانها ؟؟
=ابدا ومقام الحسين ده انا باخدها وأرجعها في السر
-بتاخديها فين وترجعيها فين ؟!!
=هي مرة مفيش غيرها سلفتها لروح
-روح !!
=بنت الحانوتي لبستها ليلة فاتحتها ورجعتهالي تاني
-هو اللي بيروح للحانوتي بيرجع تاني ؟! اكيد هما اللي بدلوها وربنا شوفي وربنا لاكون دافـ. ـنهم بلابيص ومن غير كفن كمان
=طول بالك بس يا عبده .. الظلم حرام
-حرام ؟!!
=ما هو انا سلفتها مرة كمان لأم سبروت مرات أبو سنة الحلاق
-بسسسسس يبقى هو اللي قرشها وربنا لأقص عضمه
=طول بالك بس يا عبده
-سلفتيها لمين تاني يا بوئجة الخيبة يا فنطاس الهبـ. ـل ؟!!
=لأختك عدلات ، استلفتها مني ولبستها لما راحت تقابل جوزها يوم ما خرج من السجن
-اتهم مين دلوقتي بس ياربي ؟! اتهممممم مين ؟!! الله يخـ.رب عقلك يا أم مخ تايك يا هبـ. ـلة
(جري الوحوش ... ١٩٨٧)