-دفع الضرر مقدم على جلب المنفعة ومفيش داعي للمجازفة دي
=انت بتقول كده لانك مدوقتش طعم الحرمان من الخِلفة !
-لكن دوقت طعم الحرمان من حاجات كتير انت متحرمتش منها
=مفيش أمر من الحرمان من الضنا
-كل الحرمان مر بس لازم نحمد ربنا .. الرزق واحد ومحدش رزقه بيزيد ولا بينقص عن حد
=ازاي بقى ؟!
-وإن تعدوا نعمة الله لا تحصوها .. نعم ربنا علينا كتير وكلها أرزاق متقسمة بعدل وحكمة ، بص لنفسك وراجع حسبتك هتلاقي روحك واخد حقك بالكامل
=واخد حقي بالكامل !!
-ايوه .. لو فرضنا ان نعم ربنا اللي ملهاش عدد بتساوي
24 قيراط .. هتلاقي كل انسان واخد الـ 24 قيراط بتوعه كاملين بس واخدهم مشكلين
=مشكلين ازاي ؟!
-تلاقي اللي واخد عشر قراريط مال على سبعة صحة زائد زوجة صالحة على اتنين علم وأربعة راحة بال .. يبقوا كام ؟؟
=يبقوا 24
-وتلاقي واحد غيره واخدهم 15 بنون واتنين مال وواحد صحة و..
=ليه ربنا موزعش نعمه كلها على الناس كلهم ؟!! .. عشان ميبقاش فيه حد محروم من نعمة بيتمتع بيها حد غيره !
-"لَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الأَرْضِ".. حكمته كده يا أخي
=يعني مسعاش ؟!!
-إسعى فليس للإنسان إلا ما سعى .. لكن إسعى بعدل ، برحمة مش بقـ. ـطع لحم غيرك !
جري الوحوش ... ١٩٨٧