اية الرخامة دى يا أخى

 

 فيلم ( الكيف ) انتاج 1985

 من أقوى السيناريوهات التي كُتبت في تاريخ السينما المصرية

 فلسفة تبرير الخطأ يلخصها هذ المشهد 👇

- الخلطة دي بتضر بصحة الناس أذا تعاطوها ؟!

- لأ ..

- حلو .. يعني لا ضرر منها ولا ضرار ..

- أيوة بس دة نصب وغش ..

- لأ .. الغش هو التحايل على اعطاء صفة الجودة لشئ غير جيد ، احنا هنا بقى بنعمل العكس ..

- العكس ..؟!

- طبعًا .. احنا هنا بندي الناس شئ غير ضار في صورة الشئ الضار اللي هما متعودين عليه وفي نفس الوقت بنحميهم من الضرر ..

- وبنسرق فلوسهم ..!

- لا .. بناخد تمن علاجهم وحماية صحتهم من أضرار المخدرات ، بالظبط يا اخي زي الدكتور ما بياخد تمن الفوزيتة ..

- عايز تبيع كيلو الحنة بألف جنيه وتقولي تمن الفوزيتة يا حرامي ..!!

- طبعًا .. ماهو احنا منقدرش نبيع بأقل من كدة ؛ علشان الزبون يثق في الصنف ويُقبل عليه .. احنا مقيدين بأسعار السوق العالمية يا دكتور .. الله .. !!

- سوق السفالة والاستغلال ..

- الاستغلال أصبح عرف في جميع الأسواق يا دكتور ، قولي .. قولي مين النهاردة مبيشتغلش مين ..؟!!

- اهو هو دة بقي الي جايبنا ورا .

- موازين الدنيا اتغيرت يا ابو صلاح ، محدش دلوقتي بيوزن بالحق والعدل والرحمة ، السنج اتغيرت زي الرطل ما اتغير وبقي كيلو ..

- لا سيبك من منطق الجشع ده ..

- الجشع هو انتهاز فرصة احتياج الناس لأساسيات حياتهم ، وفرض أضعاف مضاعفة لقيمتها الحقيقية ..

- ماهو دة اللي انت عايز تعمله ..!!

- لأ .. الكيف مش من أساسيات الحياة ، لا هو سكن ولا كسا ولا غذا وممكن الأستغناء عنه

- دلوقتي بتقول كدة ..؟!

- الله .. مش دة رأيك .. ؟!

- اللي أنت مش مقتنع بيه ..!!

- اقتناعي الشخصي من عـدمه لا يغير من الحقيقة في شئ ..

- ايه ياد البلاغة والمنطق دة كله .؟! اومال مفلحتش ليه في كلية الحقوق ؟!!

- كلية الحقوق هي اللي مفلحتش معايا ، خسرتني ..

- دة انت كارثة ..!

- عيب .. عيب يا ابو صلاح دة احنا اللي دروكنا اللباري جوة الشباري .. بالدهلكة ..

- ايه ..؟!

- بالدهلكة .. اعملك ايه بقى ما انت مبتعرفش لغة ؟!

- لغة ..! هي دي لغة ؟!!

أومال إنت فاكر نفسك متعلم يا دوك